Íbúafundur

Íbúafundur

Fimmtudaginn 1. desember verður haldinn íbúafundur í Félagsheimilinu í Bolungarvík. Á vef Bolungarvíkurkaupstaðar segir að markmiðið með fundinum er að bjóða íbúum kaupstaðarins til samtals um hin ýmsu málefni sem brenna á bæjarbúum. Fundurinn er haldinn í framhaldi af fundarherferð með íbúum og hagsmunaaðilum í bæjarfélaginu. 

Íbúar eru hvattir til að leggja fram fyrirspurnir og hugmyndir á fundinum. Honum verður skipt í tvo hluta þar sem fyrri hlutinn verður á formi fyrirlestra og kynninga. Samantekt verður á hagsmunafundum sem haldir hafa verið, fjárhagsáætlun 2017 verður kynnt fyrir íbúum, staða fiskeldis í Ísafjarðardjúpi rædd og farið yfir skólamál. Í seinni hlutanum gefst fundarmönnum tækifæri til að skipa sér niður á umræðuborð eftir málefnum og ræða viðkomandi málefni. 

Fundurinn hefst klukkan 20. 


Efnisflokkar