Daðrað við Sjeikspír

Daðrað við Sjeikspír

Daðrað við Sjeikspír kaffileikhús
Kómedíuleikhúsið frumsýnir leikinn Daðrað við Sjeikspír 23. apríl í Félagsheimilinu Bolungarvík. Um er að ræða sýningu að hætti kaffileikhúsa og sitja því gestir við borð og geta jafnvel sötrað á einhverju svalandi. Sýningin hefst kl.20 en húsið opnar kl.19.30. Miðasala hafin í síma 891 7025. Einnig er hægt að kaupa miða við innganginn á sýningardegi. Miðaverð er 3.900.-kr og takið eftir einn drykkur á leikhúsbarnum er innifalinn í miðaverðinu. 

Í ár eru liðin 400 ár frá því leikskáldið William Shakespeare, eða Sjeikspír einsog við ritum það, sagði skilið við veru sína á hótel jörð. Hann var ekkert sérlega langlífur frekar en flestir þeir er dvöldu á hótelinu á þessum tíma, en hann lést 52 ára gamall, en þá hafði hann skrifað 37 leikrit. Að því tilefni hefur Kómedíuleikhúsið sett saman í sýninguna Daðrað við Sjeikspír. Fjallað verður um ævi meistarans og flutt brot úr fjórum af hans þekktustu verkum. Ótelló, Rómeó og Júlíu, Makbeð og Hamlet. Leikarar eru þau Elfar Logi Hannesson og Anna Sigríður Ólafsdóttir. Búningahönnuður er Marsibil G. Kristjánsdóttir og leikstjórn annast Víkingur Kristjánsson.


Efnisflokkar